بدون مبالغة – المحبة تحتمل كل شىء

كل واحد فينا هيقرا الكلام من منطلق تجاربه الشخصية ... فالكلام ده بدون مبالغة .....

عايشين حياتنا ندور على علاقات ناجحة .. على ازاى نبقى محبوبين من كل الناس على قد ما نقدر .. ازاى مايبقاش عندنا مشاكل مع حد ... ازاى ماحدش يخسرنا ... ازاى نرضى كل الناس .... ازاى نبقى مع ناس تحبنا و تسمع كلامنا_ حتى لو فى الغلط_ و ماتبقاش ضدنا _حتى لو فى الصح_...ازاى نخلى ناس تمدح فينا ولو بنفاق او مصلحة و نبعد عننا ناس بتنتقدنا  حتى لو قصدها مصلحتنا ... ازاى نبقى أحسن من غيرنا حتى لو هنضيع حاجات كويسة فينا ... ازاى نختلف لمجرد ان الخلاف ممكن يظهرنا أكتر مش مشكلة يخسرنا مين و على
رأى المقولة اللى بتقول "الاختلاف فى الرأى يفسد العلاقة القوية" ... أأه" لا يفسد للود قضية"  اتلغت من فترة
............ ....
كلنا عايشين بنظرية المؤامرة ....أنا و من بعدى الطوفان ..الخ ... الخ ..من الأخر بندور على علاقات ترضى غرورنا و ترضى نفسنا
 و الاهم ضميرنا  .. و برغم محاولاتنا اللى مالهاش حدود  فى ان احنا نبنى علاقات قوية  برده بنقع فى أكبر المشاكل ...و نخون فلان و نخسر علان و نشيل من ناس و نتكلم على ناس و نوقع دول فى دول و بنقف لبعض على الكلمة  و حط على الموضوع ده برميل خطوط .... وعلشان نحاول نطلع من المشاكل بأقل خساير ممكن نخسرلنا كام واحد على حساب كام واحد تانيين المهم نطلع منها زى الشعرة من العجينة ................
و بعد كل المعاناه دى علشان نبقى مرتاحين بنفضل نلف و ندور فى نفس الدايرة كل شوية و مش بنرتاح ...
و بنفضل نسأل نفسنا ليه الناس بقت كده ؟ ليه فلان اتغير ؟؟  ليه الدنيا بقت وحشة كده ؟؟
.مع اننا مفكرناش نسأل نفسنا مش يمكن احنا اللى وصلنا الدنيا لكده و ظالمينها معانا رايحة جاية
.......... ...
أيوة احنا اللى عملنا فى الدنيا كده عارفين ليه ؟؟؟
علشان بنينا كل علاقاتنا من غير أساس مهم جدا .. أساس ممكن يقلب الدنيا دى جنة ..
بنينا علاقاتنا من غير محبة ....لأن المحبة تحتمل كل شىء
 .................

الموضوع  ببساطة هيكون عندك علاقات مثمرة مع اللى حواليك ... هتكون محبوب من الناس من غير مشاكل ولا مصلحة ولا خسارة ..هتقدر تفيد نفسك و تنفع غيرك .... لو :

لو حاسبت نفسك قبل ماتحاسب غيرك ...(المحبة تحتمل كل شىء) ..لو.رضيت الناس بارضاءك لربنا أولا ..(المحبة تحتمل كل شىء)...لو سمعت أكتر ما اتكلمت..... برده المحبة تحتمل كل شىء ...لو.بقيت بسييييط .... لو خليتك فى نفسك و مابصتش ولا اتكلمت لغيرك ....
 لو حطيت قدامك أهم جملة (المحبة تحتمل كل شىء )


Maria Saad
22/8/2014