اشكر ...

اشكر..ابتسم...اتفائل

تتحل كل المسائل

الشوارع  مليانة و فيها كتير حواديت

مليانة دروس نتعلم منها ونستفيد

فيها الشروفيها الخير...فيها اصلاح و فيها تكسير...فيها ابتسامة و فرحة

فيها غم وحزن وكلام كتيييييير

فيها روح...فيها جرح مفتوح..فيها ممنوع وكتير مسموح

وغير كده فى كتير وكتير وكتييييييير

لكن دول اتنين...واحد عكس التانى تمام

واحد فى شر والتانى فى سلام

+صاحبنا الاولانى ماااشى والهم فوق راسه...ووشه مكرمش  ياترى فين ابتسامته ياترى ايه حكايته؟؟؟

اتاريه صاحى الصبح يزعق وينطر...فى بيته وناسى يشكر ربه اللى عطاه يوم يبتديه بابتسامة ويصبر

على مشكلة قابلته فى يومه...بس برده صاحبنا خلاص حيطلع من هدومه

وبعد ما شخط ورزع الباب نزل قابله البواب

برده يزعقله وقال ايه السبب الاسانسير عطل دى قلة ادب!!!!!!

وخرج من العمارة مكشر...قلقان حيران يقول ربنا يستر

على اليوم ده ويغور من غير مصيبة ولا شرور

واهو اخيراا وصل شغله وقابل اصحاابه ياساااااااتر مقابلة تسد نفس

واصحابه بيقولوا مال وشك كده جبس فكها انت خارج من الحبس

ويعدى اليوم وكانه صحيح فى سجن ويروح بيته متخانق ومتشاكل اصل نصه مرتبه اتاكل

ماهو باين من اول يومه ..كان حيطلع من هدومه

وخلاص مابقتش فارقة معاه ماهو مرتبه مابقاش وياه

هو كده ولا كده ماكانش بيشكر ولا راضى ويقول الحياة صعبة مهما اعمل ومهما انادى

وبكده عمر مالفرح حييجى جنبه طول مالهم شايله والياس حبه

ادعوه له يفكها شوية بدل ما يطق دى مش نهاية الدنيا

+اما التانى ده حكايته حكاية نلاقيه ماشى فى الشارع وابتسامته مالهاش نهاية

ماهو كان صاحى بيصلى ويشكر...ويقول اشكرك ياربى على اليوم وخليه سكر

وسلم على بيته وقفل الباب وبرده نزل قابل البواب

وقاله سلام ياعم سلامة ...الاسانسير ليه عطلان يرجع بالسلامة وراح شغله باحلى ابتسامة

وعنده امل فى يوم جديد...ينجز فيه ويحقق امل شديد

وعشان عنده حماس واماال ...وواثق فى الرب حيحققله االمحاال

اترقى يومهاوبقى فى منصب جديد... وكله فرحانله من غير حسد و لا تهديد

ده محبوب عند مديره وكل الشغل من صغيره لكبيره

وروح البيت يصلى ويشكر ماهو ده السبب واللى يعمل كده يشوف العجب

اصل شعارة اشكر...ابتسم...اتفائل

تتحل كل المسائل

ودى اخر نصيحة منى والسلام ..خلى فى قلبك سلام

تحتار ليه وتخاف من ايه...ده بكرة احلى من انهاردة اتحرك وقوم

اشكر ...ربك باعلى صوت

ابتسم... تعيش مبسووووط

اتفائل... على طوووول من غير سكوت

ا

Maria Saad
12/2/2010