جميلة بس سودة

هى الصورة حلوة بس يمكن بقت سودة ..أو يمكن مش واضحة ..

ألوانها اتغيرت... الغامقة غطت على الفاتحة..

فيها حتت اتكسرت و اتقشرت و اتعفرت... حتى اللى كان باين منها ضاعت ملامحه اتنطورت..

لما تبصلها يصعب عليك أصلها.. 

وقت أما كانت لسة بتترسم.. وقت أما كانت لسة بتبتسم...

وقت أما كانت ألوانها حب و عدل و خير ... و ماكانش فى فجمالها كتير...

أصل صاحبها من حبه فيها رسمها شبهه.....

وعلشان هى أغلى حاجه عنده ....

كان كل يوم ينضفها .. و من تراب الخطية يمسحها

و أبدا مايسيبها مجرحة ..ولا ابواب عليها مفتحة ...

..ماهى الصورة حلوة بس يمكن بقت سودة ..أو يمكن مش واضحة ..

كان بيتباهى بيها...و كل ما تقدم يجدد فيها ...

اهتمامه بيها ماكانش ليه حدود ...

بس جت غيرة غيرت ألوانها .. و خيانة و ظلم بوظوا ملامح منها 

و كره غطى على الحب اللى ساكنها ...

حتى الخير بقى بيبهت .. والأسود بقى أكتر من الأبيض ...

.. و الصورة ألوانها اتغيرت .. الغامقة غطت على الفاتحة ...

لكن صاحبها ماكانش ناسيها .. لسة قاعد بيصلح فيها ...

بس القرار فى حامل الصورة ...

يا يسلمها للى راسمها ..يا يسيبها جميلة بس سودة

Maria Saad
31/1/2014