لسة بتحلم ؟

لسة بتحلم....؟؟ 

لسة وانت نايم بتحلم 

ولا خلاص بتخاف تحلم لا تندم ؟؟ 

ولو فى يوم حلمت ....حيبقى ايه هو حلمك 

حلمك تنام فى قصور وتعيش الدور.... 

ولا يمكن تنجح وتبقى مشهور.... 

حلمك موجة عالية تخدك لفوق 

ويبقى حلمك انت ومش مسروق.... 

او بتحلم يوم يعدى وخلاص.... 

وتعيش مبسوط مايهمكش ناس ..... 

لا يهمك خداع ولا حتى اخلاص..... 

ولا اكيد حلمك قلبك يقسى وتبقى من غير احساس 

عشان تعرف تعيش فيها بدل ما تنداس 

او بتحلم.....بتحلم بايه ولاايه ولا ايه 

طب هو انا حلمى اييه؟؟؟ 

انا بحلم يكون من حقى احلم 

من غير مافكر انى بكرة ممكن هندم؟؟ 

بحلم الاقى نفسى وابقى نفسى مش حد تانى 

وبحلم بحرية بجد مش اغانى 

حلمى الاقى ناس فى وقت الجد جد 

وناس قلبها ابيض بجد 

وناس بتداوى بعد ما تجرح 

وناس من حقها بجد تفرح 

وناس وناس وناس 

يااااااااه ده انا بحلم بكتيييير 

زى مانت بتحلم بس كلها اساطير 

بنكتبها على ورقه او كتاب 

عشان ماننسهاش وتبقى سراب 

اصل احنا مش فاهمين او يمكن فكرنا كتير ومش عارفين 

هو انا وانت لسة من حقنا نحلم 

ولا بنخاف نحلم لنندم ؟؟؟..................

Maria Saad
8/10/2010